Quin es l’endreit melhor que la taula per afavorir los encontres, mesclar los gostes e descobrir las culturas ? Ambe la Topina, lor restaurant cultural de Tolosa, Florent Saliné e la sua sòrre Nathalie Gavrilovitch botan en pratica aquel art consomat de la convivéncia que ritma lor quotidian dempuèi totjorn. « Coma le bar de l’avenir de la mia memina a Agen, aviái envaja de descobrir un lòc a l’anciana, testimònia Florent e, aquò s’inventa pas, es lo miu vendaire de primièras culhidas que me parlèt de l’apèl a projèctes per animar aquel lòc situat al pè del pont Sant Pèire. » Atal, dempuèi un an, ambe dos emplegats, aculhisson los bocafinas dels plats conconctats ambe produches de sason, e los amoroses de la cultura occitana.
Una taula etica
Sus la carta bilingüa, se butan carns, peisses transformats en sautat de sépia, gautas de pòrc associadas ambe legumes fresques, un vertadièr plat vegetarian, tartinas, polidas composicions, tot aquò possible gràcia als productors locals. « Dins totes los domenis, avèm un procediment ciutadan, complèta Florent. L’etica nòstra consistís a botar en avant una cultura occitana dubèrta sul monde que presentam als nòstres visitors venguts de pertot. » Seradas, debats, conferéncias, concèrts, tot es bon dins aquela Topina !
